حان السفر وجاء وقت وداع المحبين

[امواج ينبع]

في عالم الحب وديوان العشق سفر الحبيب مؤلم للمحبين ..
لذلك بكوا كثيرا واشتكوا كثيرا من السفر .. وذموا الصيف لأنه
الفصل الذي يسرق الأحبة منهم , ويسافر بهم بعيدا عنهم ..
وفيما يلي مجموعة من النصوص لبعض الشعراء
يتألمون فيها من سفر الحبيب ..


سافروا سافروا ..




سافروا سافروا يالعين هلي عليهـم
سافروا وتركوني في دياري غريـب
احرموا قلبي اللي بالغـلا يشتريهـم
ارحلوا وتركوني من هواهم صويـب
احرمو نفسي اللـي شاقيـه تجيهـم
ماتعده وداعي رغم طـول المغيـب
جرحوني وانا اللي محسن الظن فيهم
ماهقيت ان حسن الظن فيهم يخيـب
كيف راحو وخلوني حزيـن عليهـم
اذرف الدمع من جور العناء والنصيب
واعذاب سطى بالقلب منهم يجيهـم
اعذرو قلبي اللي من غلاهم عطيـب




سليمان السلامة


* * *

الصيف قرّب




الصيف قرب واعذابي من الصيـف
يبي يروح الزين ما عـاد ينشـاف
لا غاب عن عيني حسين التواصيف
عز الله إني للشقا صـرت ميـلاف
العام جرحي داخل القلب ماشيـف
واليوم أخاف جروح فرقاه تنشـاف
قلبي معه والدرب يمـه صواديـف
ليته بجنبي كان ما عنـدي خـلاف
يا صيف ... لا تبعد قلوبٍ مواليف
ارفق ترا قلبي على جـال ميهـاف
في بحر حبه ما تفيـد المجاديـف
أنا أشهد إن الدار لا غاب تنعـاف




عبدالله العليوي


* * *

سافر وترجع




سافر وترجع ياحبيبي على خيـر
واشوفكم عقب السفر بالسلامـه
عسى السفر لك ياعيوني مسافير
يكفي عن التوديع منك ابتسامـه
مادامت الفرقـا علينـا مقاديـر
معذور لوعضيت كـف الندامـه
لالا تعـذر وش تفيـد المعاذيـر
مسموح مابيني وبينـك ملامـه
واعرف ترا حبك شغلني عن الغير
حطيت لك وسط الظماير علامـه
قلبي على لماك يكفخ كما الطيـر
وجفني على طرياك ينكر منامـه


خالد الفيصل


* * *

السفر حان طاريــه




الصيف قرب والسفر حان طاريه
والله يعين اللي يفـارق حبيبـه
لوهو بيدي والله حبيبي ما أخليه
بس الظروف اللي علينا صعيبه
يا شين بعد إللي تحبه وتغليـه
خصٍّ إذا صار المفارق حبيبـه
الله يعين القلب في بعد غاليـه
والغائب الله من غيابـه يجيبـه
الصيف يا كثر الهوى والجفا فيه
إلا الحبايب لـو تباعـد قريبـه
ما كل من سافر لقى ما يسليـه
كم واحدٍ بيّن به البعـد عيبـه


( . . . )


* * *

يشهـد الله فقدنـاك




يا للي مسافر يشهـد الله فقدنـاك
تعال باسم الحب جرحـي خطيـري
أنا غريق بالهـوى هـات يمنـاك
في زحمة أمواجك تعـذر مسيـري
مشتاق لك بالحيل يا كـود فرقـاك
عن ذكريات الحب ويـن المطيـري
أرفق بقلـب تالـي الليـل نـاداك
وقتي حداني في هـواك استجيـري
نسيتنـي و إلا تناسيـت ممشـاك
و إلا أنت مشغول برجاء حب غيري
يا مستريح البال و شلون ننسـاك
والشوق ناره تشتعل في ضميـري
خذ روحي اللي هدها الشوق تفداك
عسى الفلـك لأخذتهـا يستديـري




عبدالله العليوي


* * *

يامغـادر بـلادك




يامغـادر بـلادك رافقتـك السلامـه
لو فراقك علـى روح تـودك فجيعـه
ماعلى العين لو طاول سهرها ملامـه
اشهد ان الفراق الصبح شوفة الشنيعه
ابعدوا به وصار الهم لـي والندامـه
اطحن الغيض في كبدي وكبدي وجيعه
ابعدوا به وحظي منه مادرك مرامـه
لاشربنـا غديـر ولارعينـا ربيعـه
كيف ابسلى حبيب ميت فـي غرامـه
كلما جابـه الطـاري عليـه هزيعـه
لاتلومون من عينه جزت عن منامـه
ماعن الزين يااهل الزين نفس رفيعه
ياعفيـف نزيـه ماينـزل مقـامـه
عنده المال غالي والشـرف مايبيعـه
بس حلو اللسان ومعه شبه ابتسامـه
يطعن القلب برموشه وعينه وسيعـه
يامليكة جمال الحسن فيكـم وسامـه
وان بدا رد من بعض البني مانطيعـه
انت سيد البني حتى تقـوم القيامـه
آخذ صك من ريس قضـاة الشريعـه
وانت في مركز الزينات تاخذ علامـه
بالحلا والرشاقه والحيا بـك طبيعـه
ودي ابعث جواب ولااثق الا حمامـه
موجب ان الحمامه سرنـا ماتذيعـه
اتطمن عليك وخيـرة العمـر خامـه
موجب ان لك قصور بالضماير منيعه
والله اني ماقول الياس منـك ختامـه
اترجـاك دور الـيـوم والا تبيـعـه




حمد المغيولي

* * *


حان وقــــت الـســفــر





حان وقت السفر والعين عيـت تنـام
ول يالصيف كم فرق حبيب وحبيـب
نور عينى يسافر عادتـه كـل عـام
كل صيف ونور العيـن عنـي يغيـب
قاعدٍ بـس أحاتـى سفرتـه ياحـرام
جرحه اللي جرحني العام توّه يطيـب
يالله إنك تعيـن اللـي قعـد للـدوام
ماحصل له إجازة مـن رداة النصيـب
ما اقدر ألحق حبيب الروح عذب الكلام
مير ليت البعيد يصير عنـدي قريـب
واعـذاب المولـع راح قلبـه عـدام
بس يبني الأماني والأمانـي تخيـب
اطلب الله يكتب لـي بلـوغ المـرام
حيث أنا بين ربعي مير كني غريـب




طلال السعيد

[دلوعة ينبع]

طال السفر والمنتظر مل من صبره

رحل عني وراح بس بقالي روحه وسط قلبي حفظها

[اسير الصمت]

تسلم يمينك الناس وقت السفر تحتس تاخذ متعات ولزومي وانا حبيبي ودي يحس واخذ مع اغراضهم نومي ؟