نكسر الخاطر

[وشلون مغليك]

علامك جيت ياقلبي وراجع خاطرَك مكسور؟؟
أبد لاينكسر خاطرك دامه صاحبي جاير

أبي تنسى مبادئنا وتترك طبعنا المغرور
وأبي هالحين ترجع له.. وقلّه يطلب ويامر

وإذا جت عينك بعينه أبي تشهد شهادة زور
بأني مذنب ومخطي.. وقلبه ناسي وغافر

وقلّه لايخليني على حزني أبات شهور
لأن الموت أشوالي وأنا من طبعي ماكابر

ولايفكّر يقول: (انسى وغيري بالبشر مذكور)
لأني ماخبر غيره / قسم بالله مو خابر

أحس اللي خلق زينه خلق باقي البشر ديكور
وأحس الورد لاشمه يميل وينثني شاكر

وربي هالبشر بعده هياكل والبيوت قبور
ولابه شي بالدنيا يجاري غيابه الكافر

حبيبي يابعد كل الحبايب والزمان يدور
علامك ماتخاف الله تعال وشوفني..ناظر

ترى قدرك بعيني صعب أحصِرْه بغلا وشعور
أبي باصبعك تشّر لي وأجيلك وقتها طاير

ألا ياصاحبي القاسي بدونك هالحياة تغووور
ألا ياسبّة جروحي..ألا ياحظي العاثر

أحبك.. يامنى عمري وغيرك يمسك الطابور
أحبك يامولّعني وأذوب بصوتك الخاثر

أنا من كثر مااحبك أحس إني معك مسحور
فديتك خلني مسحور إذا تبقى لي الساحر

تعال وخذني بكيفك..قصيد..ولو تبي جمهور
فداك اللي قصدته أمس واللي بَقصِده باكر

لك الله وانت خابرني شجاع ولا علي قصور
ولكن لو وصل أمري بيدّك... آآه ياساتر!!

دخيلك انتبه! لا..لا.. تمادى مع رجل مقهور
ترى قهر الرجال أكبر من اللي تحسب وفاكر

أنا حبي معك والله عفيف وطاهر ومستور
حشا صعبه تلاقي قلب شروى قلبي الطاهر

إذا ناوي تجربني ترى وقتك معي مهدور
أموت بنار طغيانك.. ولاينقال لي صابر!

أمانه روح ياقلبي وأبي تضبط عليه الدور
أمانه طير له تكفى وأبي هالحين ياشاطر

أبيك تحب لي راسه وتنسى طبعنا المغرور
ترانا اثنيننا والله بدونه نكسر الخاطر





مما رااق لي اتمنى يروق لذائقتكم

[اسير الصمت]

وقلّه لايخليني على حزني أبات شهور
لأن الموت أشوالي وأنا من طبعي ماكابر

اقول كلك ذوق وربي وبعدين اكيد بيروقلنا وخصه انت منزل القصيد والشك زايل ذوق تسلم يمناك وصح لسانك وبيض الله وجهك ؟؟؟؟؟؟؟ وشوف الرجل تبع الشهاده هذاني ذكرتك عشان متقولي نسيت ماذكرتني !!!!!!!

[دلوعة ينبع]

من بعد الغيبه رجعت
ومن طول الغيبه جاب الغنايم
تسلم ياوشلون مغليك

[نوف]

انا من كثر مااحبك أحس إني معك مسحور
فديتك خلني مسحور إذا تبقى لي الساحر


تسلم ياساحر الكلمات ومبدع الحروف
يمناك

[وشلون مغليك]

اسير الصمت الذوق منك وفيك وتواجدك اكبببر ذووق ....لامانسيت مايحتاااج تذكرني

دلوعة ينبع وتواجدك الرائع اكبر غنيمه ... اسعدني مرورك

نوف الابداع لايكتمل الا بحضرة سموك ... اسعدني مرورك