يييييياتبويييي

[اسير الصمت]

يـابـوي لـيـه تبـكـي كــل مــا شفـتـك وعيـنـك لــي تـخــاف أمـــوت يـابــوي وقـبــل الـمــوت تبكـيـنـي كفـى يابـوي لا تبكـي وأنــا مـوجـود مـعـك وحــي أجـل بعـد الرحيـل وشـلـون فــي قـبـري توطيـنـي يابوي لـو تمـوت النـاس ماتسـوى دموعـك ذي وأنــا يـابـوي مـيـت قـبـل أمـــوت وأنـــت محـيـنـي قـسـم بالله يـابــوي لـجــل عـيـنـك شـربــت الـغــي جرعـت الهـم والحرمـان وبـحـر الـويـل يسقيـنـي تحملـت السنيـن اللـي طوتنـي فـي عذابـي طـي وصــار الجـمـر بكفـوفـي وتـحـت أقــدام رجليـنـي يابوي ما على عمري حسافه ولا بقى بي شي ولــكـــن بـطـلــبــك يـــابـــوي تــكــفــى لا تـخـلـيـنــي يـابـوي مــا أبــي غـيــرك يـغـسـل جـثـتـي بـالـمـي وتكفـى قبـل مــا أتكـفـن يـابـوي فــك لــي عيـنـي بـأمـر الله يمـكـن ألمـحـك وأرحــل بعـيـنـي ضـــي وأودع وجـهــك الـطـاهـر مـــع دنـيــاي وسـنـيـنـي وخــل الـنـاس تحمـلـنـي وتـرفــع راســـي ورجـلــي وتاخـذنـي عـلـى قـبــري وتـكـسـب أجـرهــا فـيـنـي وإذا جـيـت القـبـر يـابـوي نزلـنـي شـــوي شـــوي ووجــهــنـــي لــبــيـــت الله وقــبـــلـــة الـمـصـلـيــنــي وإذا تقدر أبي صورتـك أمانـه حطهـا فـي يـدي لـعـل الله يشـفـع لــي إذا صـورتــك فـــي يـديـنـي وحــط الـطـيـن وإدفـنــي وعـــز الـلــي يـعــزي فـــي ثــــــلاث أيـــــــام يـــابــــوي يــجــونـــك الـمـعـزيــنــي ورابـــع يـــوم يـابــوي تــذكــر ضـحـكـتـي وعـيـنــي تـذكـر ويـــش كـنــت أقـــول يـــوم انـــك تنـاديـنـي تـذكـر يــوم كـنـت أنــام فــي ظــل الـنـخـل والـفــي تجي يمي تصب الماء على وجهي وتصحينـي تـذكــر جـــرة الـمــوال وصـــوت فـــي حـبـالـه تـــي تذكـر يـوم أغـنـي لــك قصـيـدي وأنــت توحيـنـي تذكر ضحكتـك لا قلـت لـك يابـوي عشقـي هـي تــذكــر كــــم قـصـيــده خـافـيــه مـابـيـنــك وبـيــنــي تـذكـر كــل شــي كــان وأذكـــر يـــوم نواف حـــي ولــــكــــن أســــألــــك بالله يــــابــــوي لا تـبــكــيــنــي