وش في يدي يوك تروح عني علي العموم الله يسامح اخطاك

**اسير الصمت** الأربعاء يونيو 15, 2011 9:08 am

مثل الشجر .. لمّا اتْشجّر جروحي
اُوُرق حزن يِتْساقط أوْراق | أوْراق
هذا.. (أنا ويّاك) ..وغصون دُوحي..؛
كِل مارحلتي / وانْزرعتي بالاعماق !!
عدّا شهر ( 6 ) هَمَاليل بُوحي !
والليل ذايب سِكّره ب فمْ- الاشراق !
وأقْبل شهر ( 7 ) وهمّه يُلوحي..؛
يَمْ الفراق أللي غدا "موْسم فراق" !
فصل الجفا -قد حان- واجْتاح روحي
يالله تهوّنْ ضيقتي كِل "مَ اشتاق "
ماكان وجه الصبح فينا../ سُموحي..
حتى انْتحرّا طيبةْ الليل../ ب عْناق !!
فاق "الفجر" من ضيق أمسي يُفوحي
تالي (أسى) مَعْ خاطرن مَابَعَدْ راق !
عتّقْ نهاري ، لين رمّدْ وضوحي
صرت الدجى وجْروح الأيّام عشّاق..!!
ليت الدهر ماجاب -موعد- نزوحي..
في غيبتك [ غفلة ] ولا صوبنا شاق !!
ياحرّها.. وان طاح (أبْسط طموحي
من عين وقتي) وحلمنا توْ../ مافاق !
وياشينها لاصار دمعي../ سفوحي..
(بعْظام بارد) يِنْتِخي "نار الاشواق" !!
مالي جِدا ، -والحظ- هَدّم صروحي..
والدرب عثّر خطوتي والفضا / ضاق
أرجاك ياباب الفرج.. رَجْوا نوحي..؛
مفتاح بابك [ بالهوا ] يعتق أعْناق !!
هات الفرج ياباب | هُوْ أنتْ تُوحي..؟!
ردْ الكِسير أللي على ضِيعتة (ساق
قِدْمة غصب) ماقال من طِيب رُوحي..!
ولا كان لعروق المتاهات توّاق..!!
واُوْصيك يامْواج البحر لا تروحي..
إلاّ معك من محجري ملح الاحداق !!
وأسْألك ياغيمةْ حشاي،، وْشحوحي
ياوين أبلقى [ف الظما] بَلّةْ ارياق..؟!
مِنْ يِسْتِفزْ بداخلي كِل../ جموحي..
إليا صَهلّتِي ،، وامْتطى فيك الآفاق..!
فصل الجفا -قد- حان .. واجْتاح روحي..؛
والله يعين (الروح) في موسم../ فراق !
مثل الشجر صارت../ بقايا جروحي..
يِبْسَتْ حزن.. ودْموعها صْفر الاوراق..!