انا وحالي وحزني وبلواي

[اسير الصمت]

إذا إنتصف ليلي على حد مسراي
وعم السكون بكل شارع وحاره
هداوته ماتسمح لعازف الناي
ان ماغفى يدري على نوم جاره
والجو نصفه برد والاخر دفاي
احيان ابتحرى بفمي بخاره
اسري لغرفه مابها غير مركاي
والباقيه ماشفت فيها اثاره
غرفه وفيها جو ماهو بهاواي
تفج صدري لين افل الستاره
يالعنها لاصرت اعدد بذكراي
حتى الحزن بطريه تاره وتاره
الخاطر اللي روقه كاسه الشاي
وان مانفع يلقى بشب الزقاره
عكسه انا بلقى بهمي وبلاوي
كل السعاده واسمعوا للعباره
الهم صارحنى واذا الهم معناي
الضحكه اللي بعد همي خساره
وبخافقي ضيقه ولاهي من اخطاي
يبقى معه والنار ناري وناره
لولا اله وبعد لولاه لولاي
لاكان غيري طامع بانكساره
ياكثر حسادي وياقل اعداي
وياعنفهم لاصار فيني شطاره
اشكر عدوي واشكره بعد مولي
لو كان دربي يختلف عن مساره
لنه من اسباب انتصارات مشهاي
ولنه عدو بعاكسه بنحداره
الا يطعني ماطعن غير بقفاي
وانا اندفع مع كل طعنه اشاره
يعني بعاند له وانا كاسب ارضاي
برضي طموحي واعترف بالمهاره
والغرفه اللي ماتمثل زواياي
ماني بقارنها بحجم العماره
لاجيتها فليت حزني من اقصاي
بالذات لاطفيت ظو إلاناره
اعدد اللي راح واراقب الجاي
واللي يجي باستقبله بانتصاره
والجرح يحيا لن ماعندي دواي
ودواي يتعب خافقي بانتضاره
جرح يجيني من فعايل سواياي
يحيه ربي لالفى يم داره
لنه معي بإول بدايات مبداي
عيا يعودني بقطع الزياره
ياليت كل جروح صدري بمخباي
من شان يديني عليها الإداره

[دلوعة ينبع]

اخوي اسير حياتك كلها

حتى الحزن بطريه تاره وتاره
حـــــــــــــــــــــــــــــــــزن فـــــــــــــــــــــــــرق

هم وتفاكير كثيرح بالحزن ماتنعاد

صح لسانك