راحة البال

[وشلون مغليك]

قالوا تحب .. وقلت وين المحبه
اقفلت قلبي للصيانه ولا زال !!



اهديته لواحد خذاه ولعب به
ولا رجع الا وهو حالته حال


لكن بخير .. ونبضته مستتبه !!
من عقب ما جددت فعروق الآمال


أسبر على مشراف حزني وآذبه
وآراقب همومي من الجال للجال


قدلي ثلاث سنين وآنا مسبه
قهوتني اللوعات .. فنجال فنجال


يا خاطري .. لا غثك الحزن خبه
دام الهوى كله مشاريه واهمال



يسهر خفوقي .. والمحاني مشبه
ويدفى على جال المعاليق يختال


الوصل .. لحظات اللقاء بالاحبه
ماهو مواصل في .. رسايل وجوال


بملى لك الخافق غلا .. وانت كبه
على يدين الوصل يا شاغل البال


اكبر دليل ان المشاعر تنبه ؟؟
وان المحبه ما تجي غصب واذلال


شخص قبل لا تلتقي به تحبه !!
وشخص قبال العين ما هز مثقال


لب الندآآ .. يا سارق القلب لبه
باعطيك عمري .. بس تعطيني وصال


مدري القمر .. في نور وجهك .. تشبّه
ولا العسل الاصلي " على شفتك سال


لو بحلاك انسان ما .. يخاف ربه
كان ابتلى العاقل من الزين .. بهبال


لا شك طيبك .. طيب منهو مربه
متوارثه من طيب عم .. وكرم خال


العمر يمضي .. والامل الف غبه ؟؟
مليت رمضآ الهم .. وابغي لي ظلال


يا غيم .. واللي فيك من .. ماي صبه
ارو الثرى .. واسق الضمآ وانطح الفال


ريح المطر .. يوم الهبايب تهبه ؟؟
قطراته تقول لخفوقي .. وش الحال


والحال داري ويش عوقه وطبه
من دون لا ادورّ ومن دون لا احتال


الى لقيت اللي يعجبني .. بـ آحبه
وان ما لقيته بشتري .. راحة البال

[دلوعة ينبع]

اهديته لواحد خذاه ولعب به
ولا رجع الا وهو حالته حال

ارتاح بالك وابدعت في ابيات القصيد
تسلم يمناك

[نوف]

يا خاطري .. لا غثك الحزن خبه
دام الهوى كله مشاريه واهمال



حل بالي دوم مرتاح دام فيه ناس بالحب اشغلوني
تسلم يمينك

[وسن المحياوي]

الوصل .. لحظات اللقاء بالاحبه
ماهو مواصل في .. رسايل وجوال


والله انك صادق وشلون مغليك

[امولة العيص]

لو بحلاك انسان ما .. يخاف ربه
كان ابتلى العاقل من الزين .. بهبال


من جد راحة بالك جابت احلى الكلمات
تسلم ياوشلون مغليك

[اسيرة الحزن]

لو اعيش من الزمن لحظه مرتاحة البال كان اعيش الزمن كله وناسه
تسلم ياوشلون مغليك

[اسير الصمت]

قدلي ثلاث سنين وآنا مسبه
قهوتني اللوعات .. فنجال فنجال


يا خاطري .. لا غثك الحزن خبه
دام الهوى كله مشاريه واهمال

وشلون مغليك الله يريح بالك دوم انشالله يابعدي
وصح لسانك وسلمت يمناك الله لايهينك علي الابيات الرائعه اشكرك وبيض الله وجهك

[وشلون مغليك]

دلوعة ينبع راحة البال تكتمل بتواجدك الرائع ...يعطيك العافيه ويسلمك ربي من كل شر

نوف من جد .....والله يرزقك راحة البال ... يعطيك العافيه على التواجد ويسلم راسك

وسن المحياوي .. يعطيك العافيه على تواجدك الرائع ..

امولة العيص واحلى الكلمات تستاهل مسامعك ..يعطيك العافيه على تواجدك الدائم

اسيرة الحزن الله يرزقك راحة البال ... يسلمك ربي من كل شر ويعطيك العافيه على تواجدك

اسير الصمت ويريح بالك يااارب ..سلم راسك ..ويعطيك العافيه على تواجدك