الوضع الحالي !!!!!

[اسير الصمت]

يابنت أرجوك أنا ماأقدر كفانـي ماضـي الغلطـات

أخــاف الله يعذبـنـي وأنــا خــواف يابنــــــــــــيـه

واخـاف بساعـه اللـذه يجينـا هــادم الـلــــــــــذات

ويأخذ مـن حشـى جوفـي بقايـا روحـي الحيــــــه

أنا لي ثمان سنيـن وأنـا مدمـن علـى الشهـوات

ديـار الفسـق حاستهـا مواطـي تحـت رجلـيــــــه

عيوني مـن كبـر همـي تخلـط الـدم والعبــــرات

مِسيـل الدمـع مـن عينـي حفـر بالخـد ماريـــــه

صحيح إنك جميله بـس تبنـا مـن هـوى الزينـات

تركنـا الحـب غصـب وطـوع للعيـن الشقاويــــــه

يابنت أنتي على بالـك أبأخـذ مـن بنـات الشـاشات؟

أجـل مجنـون أنـا يابنـت أشيـل العقـل بيديّـــــــــــه؟

ترى أكبر شيء يربطني مِعك جـوال ابـو شاشـات

وهاتـف ينقـل أشواقـي علـى نبـرات سلكـيـــــــــــــه

وترى كل العلـوم اللـي عطيتـك بالهـوى كذبـــــــــات

وحتـى دمعتـي يـوم الفـراق الصعـب كذبـيـــــــــــــــــه

هـذاك اليـوم ماهلـت عيونـي لجلـك الدمعـــــــــــــــــات

لأن الدمـع ماينـثـر بقـصـه حــب وهمـيـــــــــــــــــــــــه

أنا أضحك مِعك واضحك منك ..عليك أكثّر الضحكات

كأنـي بالـهـوى جـنـي.. يعـبـي راس جنـيــــــــــــــــــــه

وأنا مانـي بخكـري يلبـس القمصـان.. والشرتـــــــــات

ويفـرح قلبـه المسكـيـن إذا حــب الدوينّـيـــــــــــــــــــه

أنـا مـن لابـةٍ أروت ضمايـا سيوفهـا الغــــــــــــــزوات

خلاياجسمـنـا عـاشـت عـلــى دم القبيـلـيــــــــــــــــــــــه

ودهنتي شعـرك الاسـود بألـوانٍ مـن الصبغــــــــــــــات

وعيـت تقبـل الصبـغـه ملامـحـك الخليجـيـــــــــــــــــــــه

وحشرتـي جسمك المسكيـن بالبنطـال ..والجنــــــــــزات

خلاقـيـنٍ تصنّعـهـا مـزاجــات اليـهـوديـــــــــــــــــــــــــتـه

عشاني ميـتٍ فـي ثغـرك الأحمـر أبـو لمعـــــــــــــــــــــتات

تحسبينـي أبرضـخ لـك لأن إشـفـاك ورديـــــــــــــــــــــــــه ؟

ورب الكون مأرضى فيك لو إنك شيخـة الحلــــــــــــــــــوات

وإذا صمـل علـيّ العلـم أكـب ارض السعوديــــــــــــــــــــــــه

يابنت الناس عـزك فـي سـوادٍ يستـر العـــــــــــــــــــــــــورات

وعزي في شماغ أحمـر.. وثـوب أبيـض.. وطاقيـــــــــــــــــه

سعودييـن نفخـر فــي عبـايـات السعـوديــــــــــــــــــــــــــات

نغـض الطـرف إجـلالً إذا شفـنـا السعـوديـــــــــــــــــــــــــــــه

[دلوعة ينبع]

تسلم كل حرف كتبته وخطته يمناك

[اسيرة الحزن]

والله ان بنت السعوديه تسوى مليون بنت من غيرهم

[نوف]

الوضح الحالي حزن وهموم يمك
بس خليها فرح وضحكات مبسومه

[وشلون مغليك]

صح لسانك وبيض الله وجهك على روعة ماكتبته يا مشرفنا الغالي

[نجمة الشمال]

تبقى على كل كلماتك اروع من ماضي الابيات
والشعر الحزين

[اسير الصمت]

دلوعه يسلمك ربي اسعدني مرورك
اسيره اكيد مافيه شك ولكن القرد في عين امه غزال !!!!!!!!!!!
نوف يسعدك ربي وانشالله
وشلون مغليك وجهك ابيض وصح بدنك لاهنت الله يغليك يحبيبي
نجمه اسعدني مرورك وهاذي شهاده منك افتخر بها ووسام علي صدري اشكرك علي مرورك الرائع

اسعدني مروركم جميع واشكركم