الرجاء بعيد الاضحي ؟

[اسير الصمت]

صدقيني العيد نفسـه مـا تغيـر مـن سنيـن
فرحة اطفال وتلاقي..لمّة احباب وقرايـب




والاغاني والكروت وقولـة (مْـن العايديـن)
والتمام الشمل يوم العيد .. وانسـام الهبايـب




والتهانـي والهدايـا وحـب روس الوالـديـن
والمواصل للعمام .. وللخوال .. وللنسايـب




كل حاجه مثل ماهي بس انـا حالـف يميـن
إن لا غبتي باسجّل نفسي في هالعيد غايـب




وارجعي بالذاكـره يابنـت وانتـي تعرفيـن
ليه احس العيد عقبك جيّتـه جيّـة مصايـب




ليه لا طالعت (كرت العيد) اكفكـف دمعتيـن
من ذكرت اعيادنا وأيام كان الوضع طايـب




ذكر اني من (مصلى العيد) وانتـي تذكريـن
كنت اسابق خطوتيني متّجـه يمّـك وذايـب




لجل اكون الشخص الاول لجل مني تسمعيـن
في صباح العيد .. جملة (كل عام احنا حبايب)




لجل نكتب خلف (كرت العيد) ذيـك الكلمتيـن
كنت اجيك بقلب طفل وطيش شاب وثقل شايب




كنت انا اعايد وحالي حـال باقـي العاشقيـن
وما معاي الا خفوقي وذي عيوني لك وهايب




وإنتي في اجمل ثيابك كاشخه والزيـن زيـن
تثبتين إنك عجيبة غير عـن كـل العجايـب




فرحة العيد .. بلقانا كانـت اصـلاً فرحتيـن
مثل ضحكات الورود ومثل زخّات السحايب




ما ليوم العيد طعم وما لهـا الذكـرى حنيـن
وكل منّا في مكان وكل واحد لـه طلايـب




الرجا في عيد الاضحى يمكن انـك ترجعيـن
ما اقول إلا عسى الله يجزي من كان السبايب




وإن رجعتي وشفتيَ إني فـي عـداد الميّتيـن
ذا انا باوصيك حاجة قبل تنحـط النصايـب




طالبك في كل عيدٍ .. بعد موتـي .. تكتبيـن
خلف (كرت العيد) جملة كل عام احنا حبايب !!

[دلوعة ينبع]

صدقيني العيد نفسـه مـا تغيـر مـن سنيـن
فرحة اطفال وتلاقي..لمّة احباب وقرايـب


جعل كل ايامك اعياد

[اسيرة الحزن]

مايتغير العيد ولاتكمل حلاته الا بشوفت الاحباب

[نوف]

كل واحد بااحلى ايام العيد
امنيته يشوف اللي يرتاح لشوفته قلبه

[وشلون مغليك]

صح لسانك وبيض الله وجهك
يعني ياصاحبي تنطبق على اللي ببالي هههههههههههههههههههه
وكلك مفهوميه
دائما ذووقك غير وبحظورك تختفي كل مفاهيم الجمال

[ترانيم جهينه]

كل عيد بليا شوفتك ماهو عيد
ولا عيد ماهو مكتمل ياحيبيبي
تسلم يمناااااااااااااااك
يامشرفنا الغالي