ست ساعات ؟؟؟

[اسير الصمت]

جبت الغنايم من بعد طول غيبات
وإلا على جنازة الحب صليت !! ؟

حتى لو إن العشق ياصاحبي مات
تبقى الصداقة رمز ,, حتى لو أقفيت

باقي على إقلاعك يجي ست ساعات
وفي طاري (الستة) تذكرت لي بيت

بالأمس أشوفك بالسنة ست مرات
واليوم ست سنين مرن ولاجيت

بسكات كنت أغليك وأهجرك بسكات
وياللأسف بسكات عني تخليت

لو ضيقة ((أبن فطيس)) تاتيه حزات
آنا معايشها إذا أصبحت وأمسيت

ولو الفرح يشبه مدن أو عمارات
والله ماأملك سوى زاوية بيت

ولو الزمن مابه خيانه وآهات
ماكان شفت أحلامنا بالتوابيت

ولو العقارب مالها صوت (( دقــات))
ماكان نحسب شوقنا .. بأي توقيت !



أدري وداعك صعب لكن هالأبيات
تكفي إذا إنك بعد هالقرب صديت

سافر فمان الله ,, وإنسى الذي فات
آسف حبيبي كان في حقك أخطيت

عمرك سمعت بحي يحسب مع أموات !! ؟
هذا أنا.. من عقبكم كنني ميت
..
..
قالت أنا بطوي جميع المسافات
وكل القصيدة ذي رديتها (إ)بيت

من بعد حبك باختصر خمس كلمات
................................................................




>>>>>>>الله ياخذني إذا بيوم حبيت<<<<<<<<

[دلوعة ينبع]

جبت الغنايم من بعد طول غيبات
وإلا على جنازة الحب صليت !! ؟

تسلم يامبدع الكلمه وشاعر الحب والالم والحزن
تسلم يمناك

[نوف]

للحزن دروب مانقدر نتجاهلها
بس خل الفرح دربك الوحيد
تسلم على موضوعك الرائع

[وسن المحياوي]

ابدعت وتفننت وكنت رائع بالفعل
تسلم يمنـــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــــاك

[ساره الورد]

مرو بتابوتي على بيته قول له مات وكان مطلبه شوفتك
تسلم يااسير الحزن والصمت

[قمر جده]

على تابوتي وجثماني مرو على دياره خلوه يتحسر على يامي ماقضاها وياي
تسلم يمنااااااااااااااااك يااسير الصمت

[وشلون مغليك]

حتى لو إن العشق ياصاحبي مات
تبقى الصداقة رمز ,, حتى لو أقفيت

باقي على إقلاعك يجي ست ساعات
وفي طاري (الستة) تذكرت لي بيت

بالأمس أشوفك بالسنة ست مرات
واليوم ست سنين مرن ولاجيت


وين اللي يفهم ياصاحبي ...لكن اذا راح احسن انه مايرجع ثاني

صح لسانك وتسلم انامل كتبت لنا اروع الكلمات