معظم الأ شياء !

[اسير الصمت]

ياحسن من عادني طفل مانيب أسمي
معظم الأشياء باسماها وقدني صيه
كل ماقالوا عروبه قمت أشمر كمي
العروبه سوقها طايح على ربيه
اسمع بقومية معمر وذبح الذمي
لكن الذمي بخير وماتت القوميه
بس أنا من هل السعوديه ولانيب مهتمي
لي مع بوش الابن علاقة شخصيه
عندنا أكبر قاعده تشرب زحاح السمي
يعني امريكا خويتنا ماحن بشويه
أي واحد منكم يحاول يفور دمي
والله ان أعلم القوات الأمريكيه
(((مشكلة شاعركم انه مايخص يعمي
تختلط الأفكار والشرهه على النفسيه؟ )))
ابردي يالهفة الجمهور والا حمي
مستعد أضحك الجمهور في مرثيه
وياهجوسي نمي الفكره وانا بنمي
دهشة الجمهور من تركيبة القافيه
من ثمان سنين أبغى اكتب قصيده فأمي
بس أخاف الرجال تقول وش داعيه
وانته جنوبك كبار وعظمك الملتمي
مايساعد هيكلك أصلا على الحنيه
لين مره من حدى المرات لدت يمي
غترتي في حضني ومدري وين الطاقيه
قالت نواف وقلت عروق قلبي سمي
قالت نواف وقلت العز ياطاريه
قالت الجهنان لو تطمع بشربت دمي
وش تسوي وانت جهني فامك المريه
قلت لاتموتين والا مت شيلي همي
يافديت رجولك الثنتين يارهابيه
دوريلي ثار مايمتد لابنا عمي
ماهيب لحية بني عمي قالت لي هيه
انحري دمي الضلوع الكايدات وزمي
واسكني قلبي بحد السيف والشبريه
وخلي اذنك ثابته واللي تسولف فمي
والله ان اذبح من الجهنان لك اجهنيه
ويمكن أطلع ابي من قبره المنطمي
وأذبحه تسعين ذبحه بالدموع الحيه
أذبحوني يآل مره واستبيحوا دمي
والله ان اموت وانا احب لي مريه
لاحد يفهم خطا ترى القصيدة في أمي
قلتها وانا حزين وجت تلقائيه

[الضحكة الخجوله]

قالت الجهنان لو تطمع بشربت دمي
وش تسوي وانت جهني فامك المريه


تسلم ياصقر جهينه على ابداعك وروعة نقاوت شعرك

[دلوعة ينبع]

شعر وابيات جميله وطرحك اجمل
ويحفظ لك امك
تسلم يمناك

[نوف]

احلى ايام الطفوله برائتها واحساسها اللا نحدود
ماعندك هم ولاحزن ولاتفكير
تسلم يمنااااااااااااااااك

[وسن المحياوي]

ماكتبت غير مبدع وماقصت الا في روعت اشعارك
تسلم يمناااااااااااااااااااااااااااااااااااااااااااااااااااااااااااااااااااااااااااااك

[الضحكة الخجوله]

(((مشكلة شاعركم انه مايخص يعمي
تختلط الأفكار والشرهه على النفسيه؟ )))
اعلم صقور الهواء كيف تلخبط اوراقك واشعار القصيد
تسلم يمينك

[وشلون مغليك]

تستاهل ام "مشرفنا الغالي "

وبجد الشرهه على النفسيه

تسلم يمنااااااااااااك وصح لساااااانك