محبه وأشتياق ؟

[اسير الصمت]

يامدلعه لاتدعين الضيق وأنتي في سعه...
الضيق للي ما إتسع له صدر محبوبه لا ضاق...
القلب نـفسه عند متبهــذل وعند مدلعه...
الفرق في صدق المشاعر والأحاسيس الرقاق...
الله .. ياكم لي وأنا منك الوفاق أستطلعه...
والحين لا أنتي ولا قلبك ولا حتى الوفاق...
آخر حكاية حب .. وأول جرح كنت أتوقعه...
إلي برواق تحبني .. تقدر تفارقني برواق ...
إحساسك أصلا ما يناسبني وأنا ما أنـفعه...
مادام لي مبدأ .. ولك نيه تبيعين الرفاق...
الناس قالت من يبيعك وإشترى غيرك بعه...
لا تلحق اللي منك ما يستاهل أسباب اللحاق...
إخترت أموت ولا يقولون الخلايـق إمعه...
وإخترت أفارق والصدق .. ياكره كرهي للفراق...
أصبحت مثل اللي يدور للجهات الاربعه...
راح الجهات الاربعه ولا زال في نفس النطاق...
المشكله وده يفضفض .. بس كلن يصفعه...
من وين ما وجه بوجهه للأسف يلقى طراق...
الحزن يجتاحه وشكل في حياته زوبعه...
وإحساسه بإهمال الجميع يضاهي إحساس المعاق...
الظاهر إن الناس في قلب المواجع مبدعه...
والظاهر إني صرت ممن لايطيق ولا يطاق...
الحب .. من ذا اللي يقول : الحب دنيا ممتعه...
في ذمتي مايقولها لو كان مما ذقت .. ذاق...
إن شاف نفس اللي أشوف وماسمعته يسمعه...
يختار له نار الفراق .. ولا يجي جنة عناق...
العاشق اللي مامعه غير إنتفاضة مدمعه...
الله يكون بعون قلبه .. واحتراقه .. إحتراق...
إن جيت تلقى حالته حاله .. وشبه مضيعه...
أحيان يتنفس ولكن أغلب الحال .. إختناق...
إنهد حيله .. وإنجرح .. وإحتاس في هالمعمعه...
محتار مايدري على ويش الزعل والإنشقاق...
إنصب تفكيره على (ماذا وراء الأقنعه)؟؟؟...
مسكين كان آخر ضحيه للخيانه والنفاق...
ألحين .. ياضده تكون الناس .. وإلا .. يامعه...
مايعترف بالأوسطيه .. والثقه .. والإتفاق...
أرثي لحاله عندما يكتب على الرمل إصبعه...
(هذي نهاية مايسمونه.. محبه وإشتياق)...
مجنون ليلى .. يتبع أهواءه وحنا نـتـبعه...
يعني أنا وألآف غيري .. نندرج ضمن السياق...
الصدق .. لو هم الرجال .. في كلمتين .. تقلعه...
ماتمنعه أحيان كلمة (يبغض الله الطلاق)...
السالفه أكبر من إنه يمتنع .. أو تمنعه ...
مادامت الدعوه مصير إنسان مربوط بوثاق...
إن حب .. حب الله يعينه .. والحشا متولعه...
من وين ما قلبه يسوقه من ورى خشمه يساق...
الود ودك لا وصل للوضع هاذا .. تقنعه...
(مهما إستمر الحب .. يبقى آخر الحب .. إفتراق)...
أكبر غلط لو شخص متبهذل يحب مدلعه...
والأخت .. ماتقدر توسع خاطره لو يوم .. ضااااق...

[نوف]

مدري ايش اقول لذوق كلماتك واحساسك المرهف الحلو
تسلم يمينك

[وسن المحياوي]

صح لسانك يااسير الصمت

[دلوعة ينبع]

(مهما إستمر الحب .. يبقى آخر الحب .. إفتراق)...
أكبر غلط لو شخص متبهذل يحب مدلعه...


يعني الامل كله عندك معدوم الى متى وانتى على هالحال
تكفى خل الزمن يسري على كيفك ماهو كيفه

[همس ينبع]

حبي للكمه جعلني اقراء جميع اشعارك
واشتياقي لمواضيعك جعلني اقول
صح لسانك وتسلم يمناااااااااااااااااك

[وشلون مغليك]

حاولت اقتبس بيت من القصيده لقيت كل بيت احلى من اللي قبله
دائما مبدع وستبقى بإذن الله على ابداعك ....واااااصل والقلب يدعيلك
صح لسانك وتسلم يمناااك يا مشرفنا الغالي

[اسير الصمت]

نوف لاتقولين شي انتي بذات مرورك يكفيني عن كل شي بتقولينه اشكرك نوف والله يسعدك
وسن صح بدنك واشكرك علي مرورك الرائع
دلوعه يعني الامل كله عندك معدوم الى متى ((((وانت))))على هالحال
تكفى خل الزمن يسري على كيفك ماهو كيفه؟؟؟
وشفيك زعلانه كذا ابشري ابخليه يمشي علي كيفي بس هي مساله وقت لو تدريت مانزلت القصيده دام فيها هوشه علي العموم دلوعه اشكرك علي احساسك وطيبه قلبك !!!!!!!!!!!
همس صح بدنك يسلمك ربي من كل شر اشكرك
وشلون ضح بدنك والله ماظنتي باقي في شده عشان اواصل وكيف اواصل والمخ فاصل وشلون مغليك تسمحلي اقولك احبك ههههههههههههههههههههههههههههه

الله يعطيكم العافيه علي المرور الرائع