انتي السبب .......؟؟

[اسير الصمت]

إفرضي إني طلعت و كنت متنرفز كثير

و رحت من عندك مضيع في الأماكن و الجهات

بعد ما اشتد الخلاف بوضعنا و أصبح مثير

قلت : اهدي ... و العن الشيطان و اطلع في سكات

إتجهت .. وسايق(ن) سيارتي عكس المسير

و صار لي حادث .. و مت .. و خبروك : فلان مات

علميني .. عندها بالله وش ممكن يصير ؟

لو عرفتي من عقب زعلتك .. فارقت الحياة

تلطمين خدودك .. تشقين ثوبك .. ما يضير

دامك تلومين نفسك بعد مافات الفوات

ليه ما قلتي لي : إقعد و الزعل ملعون صير

والله ماتطلع كذا باعصاب ما فيها ثبات

ليه خليتيني امشي حالتي حالة ضرير

والا يعني كان حبك .. حب انانيه و ذات

ليه أنا من عقب كنت الشخص الاول و الاخير

في حياتك و بسهوله صرت مثل الذكريات

والله ان تبطين و انتي ما على شفتك غير

إسمي المكتوب ضمن اوراق تقرير الوفاة

تندمين العمر كله .. أو .. يأنبك الضمير

ما افرقت .. مادمت ماضي في ملفاتك .. وفات

بس يبقى ذنبي برقبتك و أنا الصمت الأسير

اللي كبلني غرامك .. و الوفا .. و التضحيات

جربي الدنيا بدوني كيف واقعها مرير

و كيف لا عزوك فيني و صرت قدامك .. رفات

تدركين بوقتها معنى العبوس القمطرير

و تشعرين انك يتيمة أهل و اخوان و خوات

تذكريني .. وتذكرين الشعر .. و انسام العبير

و العطر .. و الورد ..و البوم الصور .. و الأغنيات

و السوالف .. و السهر .. و اهداءنا عبر الأثير

و الإضاءة الخافتة .. و الليل .. و احلى الأمنيات

و الرسايل .. و الشموع اللي بمأوانا تنير

والكروت العاطفيه .. والكتب .. و الملزمات

و الهدايا من قطع ألماس و عطور و حرير

و الأثاث اللي خذا حمرته من لون الشفاة

و البحر و الصيف و الشاليه و اللبس القصير

و الشتا ... و احضانك اللي غير كل المدفئات

و الإجازه و السفر و العيد و المطر الغزير

و المقاهي .. و المطاعم .. و الطرق ... و التمشيات

و اسمي اللي مخزن بجوالك الباندا الصغير

أجمل الإحساس .. لكن .. ماااات يا ست البنات

ذكريات تحاصرك من كل صوب و تستثير

دمعتك في كل غمضه .. و انتباه .. و إلتفات

عن حكاية حب في هالوقت منقطع النظير

حب يكرم عن ردى الشهوه .. و ألسنة الوشاة

حب مدري وش اكتب عنه ؟ .. لكنه كبير

أكبر من احساس أصدق شاب مع أوفى فتاة

بس ... لا تبكين .. يبقى كل ما قلته نذير

وافتراض لكل ما يمكن حدوثه لي .. و آت

لجل ذلك فكري وش هي النهاية و المصير ؟

كلها حفره و جمع وتعزيه .. عقب الصلاة

والله ماتسوى الحياة نزعل الغالين .. مير

ساعة الضيقه يتعكر صفو الانفس و الذوات

ليش اجل ما نستغل الوقت دام احنا بخير

ليش ما نرضى حبايبنا .. و يلتم الشتات

يعني لازم ننتظر ؟ و الواقع أيامه تطير

و احنا ما ندري نبات الليل .. ولا .. مانبات

العشير .. اصلا يحز بنفسه يزعل عشير

الله اكبر .. كيف ما حزت بنفسك هالسوات

يوم شفتيني طلعت ووضعي النفسي خطير

وقتها .. اشدراك يمكن موتتي حانت و جات

فاحرصي دايم علي .. ولا تغيظيني كثير

و اذكري دايم شعورك لا دريتي و قيل : مااات

[دلوعة ينبع]

والله مااتوقع اني بسامح نفسي
وراح يعذبني ضميري للابد
بس الله لايحطني لا اانا ولا كل الحبايب بموقف كذا

[نوف]

والله لاابكي كثر الثواني اللي تغيبها
واندم كثر الدقايق اللي عشتها
تسلم يمناااك

[همس ينبع]

يمكن من الجنان اقتل نفسي
الله لايحطني بموقف كذا

[وسن المحياوي]

ياانجن ولااموت من القهر والحسافه

[نجمة الشمال]

تسلم يامشرفنا الغالي على ابداع الكلمات وروعة كتاباتك
ومواضيعك الحلوه والمميزه
لو اني بمكانها كان مدري واحتار ايش اسوي

[وشلون مغليك]

صح لساااااانك وتسلم يمينك
دوووم مميز بقصائدك يعطيك العافيه مشرفنا الغااااااااالي

[اسير الصمت]

دلوعه صادقه بس وين اللي عنده ضمير صاحي اشكرك علي مرورك
نوف يسلمك ربي يجعلك ماتشوفي احزان ولا دموع اشكرك علي مرورك
همس الله لايحطك انشالله بموقف وتذبحي نفسك فيه اشكرك علي مرورك
وسن عدوينك انشالله الله لايوريك مكروه انشالله اشكرك علي مرورك
نجمه الشمال ارحب بك من جديد طبعأ عيونك الحلوه ومرورك الجميل يجعلها مميزه اشكرك علي مرورك
وشلون صح بدنك ويسلمك ربي ومرورك غير ويعافيك ربي اشكرك علي مرورك الرائع