غيبوبه الهم

[اسير الصمت]

سر ياقلم مالي علـى الصبـر طاقـه

صبري تعدى الحـد ماعـاد ينطـاق

أكتـب لمثلـي قصتـه واشتيـاقـه

في خطك الواضح على بيض الأوراق

قصة حزيـن.. صافـي المر ذاقـه

ولايا ذكر ماصرلـه خاطـري ضـاق ‏

باقو بـه الأصحـاب والوقـت باقـه

وصار الضحيه بيـن بايـر وبـواق‏

يمشي وهو ماحس في كسـر ساقـه

امسى على ساقين واصبح على سـاق

وهذي سواة الوقـت شيـن اصطفاقـه


الوقت لـو يصفـى لـك ايـام دراق


ومن شان معه الوقت قلو رفاقه


راحت حياته كلها هم وفراق



الله خلق خلقن تحب الاباقه



كما خلق خلقن معندها اخلاق



احدن يعفوف ايام وايام ينعاق



واحدن معه حكمه وصبر وراقه



لاشـك يامـن معـك عقـل ولباقـه


ابانصحك كان انك للأمثـال تشتـاق

صـادق رجـال يعرفـون الصداقـه

يقفون صفك يـوم يبسـات الأريـاق

ومن يرغب لفراقـك فعجـل فراقـه

جاز الـذي يجزيـك بأفـراق بفـراق


وتعلم التعشيق قبل السواقه


لاتحسب انك فدرقسون سواق



ورزقك يجيك بدون تحظر بطاقه



وعند الله المعبود تقسيم الارزاق



يقولـه اللـي جايـر الوقـت عاقـه

ولازال فـي غيبوبـة الهـم مافـاق

حظه على اقشر شي للنفـس ساقـه
‏
بقبور الاحياء ينتظر يـوم الأطـلاق‏ ..

[دلوعة ينبع]

خل صبرك مثل الجبال مايهزها انسان
تسلم على كل حرف كتبته يمينك

[ترانيم جهينه]

للصبر حدود وللفرح وقت وللحزن الف باب
بس للامل مليون باب
تسلم يمينك

[قمر جده]

تسلم ياشاعر المحبة والالم
وصح لسانك

[النايفه]

من روعة الكلمات الى روعة الابيات

اجتمعن فيك يااسير الصمت
تسلم يمينك

[ساره الورد]

روووووووووعه الكلمات ووردة الابيات
تسلم على كل كلمه كتبتها

[وشلون مغليك]

صح لسانك وبيض الله وجهك
لاقالوا اسمك تذكرت الذوق ولا قالو الذوق تذكرتك يعني بينك وبين الذوق علاقه لكن بعرف شئ من فيكم اللي ياخذ من الثاني ...

[اسير الصمت]

دلوعه تسلمين علي المرور بس الجمل لاطاح تكثر سكاكينه

ترانيم ويمينك يسلمك ربي صح انا معك الامل له مليون باب وين مفاتيح الابواب ؟؟

قمر جده ويسلمك ربي ويمينك وصح بدنك

ساره يسلمك ربي

النايفه ويمينك وانتي تواجدك الاروع والاجمل

وشلون صح بدنك وجهك ابيض يسعدك ربي يابعدي جميع اذواق العالم تاخذ منك ولا انا والله لاذوق ولاعندك احد واني عاله علي نفسي