بعض الهموم

[اسير الصمت]

الـلـه من هــمن علــى خـاطـري داج

يرقى على سطح المعاليق ويـطـيـــح

يالـلــه يالـلي للمـــــشـاكـيـــل فـــراج

تزيل همن ســطح الــقلب تسطــــيـــح

وين الرفـيـق الـلي له الـيـوم مـحتاج

صاحب وفا ماهوب صاحب مصاليـــح

حط الـوفا والطـيب والـصـدق منهـاج

عـزيـز نـفـس ومـدهـلـن للـمـفـالـيـــح

مـــــلـيـت مـن دنـيــآ تعـــوج تعـــواج

وفيها سلوم الناس ضاعت مع الريـح

وابحرت بالتفكير في عرض الأمواج

واغوص في بحرٍ غدا بالـسـبـابـيـــــح

واشوفْ لي مدخـال له ألـف مخـراج

واشوفْ لي قــــــفـلن بليا مــفاتيـــــــح

واشوفْ لي مقدي ومخطـي وهــراج

واشوفْ لي هـجـنـن تقـافـت مراويـــــح

واشوفْ لي ظلمـا بها الضـي منـبـاج

ليـــــل ومــطــر واحــزان معهـا تـفـاريح

واشوفْ لي سيلن على الأرض هداج

والناس من حــوله عطـاشـا مقــاريـــــح

واشوفْ لي عـله لها طــــب وعــلاج

والجـرح فـوق الجـرح يـزيـد تـجــريـــــح

هاجوسه اللي حـط في القـلب مـدراج

ينزف عـزوم الفكـر بالصـوت ويـصـيـــــح

قـفـلـت معــــناهـا بضبـــه ومــــزلاج

واكــــــون المـعـنـى بصــــورة وتـلـمـيــــح

يالـلــه يامـنـزل تـبـارك والأبـــــراج

تـزيـل همــن سـطـح القـلــب تـســــــطـيــح

[دلوعة ينبع]

يالـلــه يالـلي للمـــــشـاكـيـــل فـــراج

تزيل همن ســطح الــقلب تسطــــيـــح

دائما وابدا ستبقى شاعر الحب والالم
وستبقلى مبدع للمنتدى
وتسلم يااسير الصمت

[نوف]

هموم واحزان دوم بعيده عنا انشاء الله
تسلم يمينك

[ساره الورد]

الله يبعدنا عن كل الهموم

[اسير الصمت]

دلوعه الله يعطيك العافيه واذا كنت مبدع فانتي منبع الابداع والذوق

نوف امين الله يبعد عنك وعن الاعضاء جميع كل حزن وهم ويمناك

ساره اللهم امين انشالله يبعد عنك الهموم

واشكركم علي المرور

وشكر خاص جدا لاورده المنتدي دلوعه

[الجنرال]

واشوفْ لي مدخـال له ألـف مخـراج

واشوفْ لي قــــــفـلن بليا مــفاتيـــــــح


ابدعت في كل الهموم واقنت حروفها
يعني تميزت بكل الفرح والحزن
تسلم يميـــــــــــــــــــــــــــــــــــــــــــنك

[وشلون مغليك]

خلها على ربك لابد مايجيك الفرج
والله يبعد عن قلبك كل حزن
تسلم يمينك وصح لسانك

[وسن المحياوي]

مابعد الحزن غير الفرح والامل تفرج ابوابه
ويغرد كل طير على خل جمع وقته مع خليله
تسلم يمينك يامشرفنا الغالي

[اسير الصمت]

اخوي الجنرال الله يسعدك انت وذوقك الرائع كما عوتنا في حضورك وغيابك وعساك سالم الله لايهينك

وشلون اكيد علي الله وياك انشالله يبعدي صح بدنك ويمناك وبعدبن لاتنزل انا جايك هههههههههههه

وسن اول ارحب بك وحياك الله بين اعضاء ومشرفين المنتدي احلي واصدق واطيب وابدع واروئع اعضاء في السعوديه فمرحبا بك شرفتي ونورتي دارنا ويمناك والله يغليك

واشكركم جميع علي المرور الرائع