وانت مريت صدفه

[اسير الصمت]

الشوق مالـه عمـر , يفنـى وينعـاد له في الضلوع أن عاد وأن غاب رجفه

مع كل فرقا , له ورى الجفـن ميـلاد وأن ماتت الفرقا لقـى الشـوق حتفـه

جيت أقتل الفرقـا مـن بـلاد لـبـلاد مـلّ الطريـق يشيلنـي فـوق كتفـه

وأنا بعد مليت مـن كثـر مـا أرتـاد هالشارع اللي كان لـك فيـه شرفـه

تظمأ عيوني شوفك , وتشبـع سهـاد عيّا الزمن يقطـع ظماهـا بـرشفـه

لاوجهـك أسقاهـا , ولا ذاقـت رقـاد ماغير طيفـك , طيفـك اللـي أعرفـه

كنّه ظبـي , وعيونـي ظـلال صيـاد يجفـل قبـل يرتـد للجفـن طـرفـه

مشكلته أنه كـل مـا أشتقـت يـزداد حتـى مـلا جـدران وقتـي وسقفـه

وأصبحت أشوفه فـأول الغيـم لاجـاد وفـأقصى الشفق لاطاحت الشمس خلفه

وفي الأرض لانامت عقب صوت رعـاد وفي كل شباك ٍ صحـت منـه درفـه

أتعبت طيفـك لـوم , واللـوم مافـاد ويوم الأمل في شوفتـك مـات نصفـه

نويت أسافـر عنـك بجـروح ٍ جـداد وعمر ٍ من أوراق الزمن حان قطفـه

نويت , لكـن جابنـي الشـوق منقـاد وجابك حنينك , والزمن سـال عطفـه

شفتك تبسّم لـي خجـل مـدري عنـاد وفي نظرتك شوق ٍ من الظلم وصفـه

حسيت كني طفـل , وعيونـك أعيـاد ياعيدي اللي لـه ورى الصـدر رجفـه

سمّ اللقـا صدفـة , وأسمّيـه ميعـاد أنا أنتظرتـك , وأنـت مريـت صدفـه

[دلوعة ينبع]

وان مريت صدفه روح مثل ماجيت صدف
ابدعت في اتقان كل الكلام وتسلم يمناك

[نوف]

وعمر ٍ من أوراق الزمن حان قطفـه

نويت , لكـن جابنـي الشـوق منقـاد وجابك حنينك , والزمن سـال عطفـه

شفتك تبسّم لـي خجـل مـدري عنـاد

وعمر ٍ من أوراق الزمن حان قطفـه

نويت , لكـن جابنـي الشـوق منقـاد وجابك حنينك , والزمن سـال عطفـه

شفتك تبسّم لـي خجـل مـدري عنـاد

روووووووعه يامشرفنا الغالي

[همس ينبع]

تسلم يمينك وعلى كل مواضيع الرائعه والمتميزه

[وشلون مغليك]

ويوم الأمل في شوفتـك مـات نصفـه
نويت أسافـر عنـك بجـروح ٍ جـداد

هالبيت يكفيني من القصيده
"جعل الدروب نهايتها لقاااااااااااااك"

صح لسانك وتسلم يمينك

[اسير الصمت]

دلوعه يسلمك ربي ويمينك

نوف وانتي اروع واغلاء من القصيده

همس ويمينك سلمت انشالله

وشلون مغليك وانا يكفيني مرورك ويسلمك ربي وصح بدنك

اشكركم جميع علي المرور