ادور الهيئه وانا جسمي رجاف

**اسير الصمت** الجمعة يوليو 22, 2011 10:18 am

من شفتها تمشي وانا مابي خلاف = ويوم وقفت لله در الوقوفي

انا اشهد ان الزين ما هوب عواف= الزين يكمن عند لم الكتوفي

لقيتها في سوق واسع به الاااف = مدري وش اسمه بس سوق الردوفي

المعذره لازم ابين بالانصاف = ولازم ابين وش خفايا حتوفي

مشيت فيه مثل رزة الأشهب الألطـاف= بـس أتقـرص وأتحـرق بجـوفـي

وأدور الهيئة وأنـا جسمـي رجـاف=ضايق ولا ادري وين أودي بقطوفـي

واللـي قاعـد بعقلـي الفـذ ألطـاف=من جمس مايكفي ولاهو من ضيوفـي

و كلبشـة وجنـدي وشيـخ وكتـاف =واللـي يغـازل عنـد عينـي ألوفـي

من الوكاد ان تقل جاني خفاف = ومشيت ارددهااا يخوفي يخوووفي

لين دخلت قلت اب اشتريلي قلم جاف = دخلت المحلات المعدنيه الهوفي

دخلت في فتحت محلات عياف = ولقيت لي مصري كثير الحلوفي

رحب ونورنا يا باشه ولا عاف = وعزم علي بحلوى وكووووفي

قلت انت وش اسمك بلا لف ولفاف = ومن اي حته من ديار الزروفي

قال ايوى ادضحك يا قدع وصف الاصناف = وانا سعيد ابو حسام الملوفي

دار الرئيس الي ليا قال ما عاف = ضيفه مخير بين العقل والخروووفي

قلت ونعم معروف زهاي الانصاف = حسني اليا وعد شي شي يوفي

بين الكلام الي بدا بالقلم طاف = جنبي وقف سيد كل الخشوفي

يزها العبات الي غطت ذيك الاكتاف = من زود ما هو زين ماله وصوفي

الخد خد اليرق والعنق ميلاف = والخصر كنه من عشاه معزوفي

ورموشها تشبه شبه الحدب سياف = وحجاج ماهو بالقلام معطوفي

وعيونها تشبه صطى عيون قصاف = طير الشيوخ موردين السيوفي

مبسم ولون ولبس ما هوب شفاف = وطولن موقر ولتفاتت عطوفي

من شفته كنه غدى جسمي انصاف = وهي تناظرني شوي وتعوفي

من عذرها شكلي تقل تاجر اعلاف = ولكن سعيد المصري ابدع بحوفي

حاولت اخربها وانا صدق خواف = حتى انجزمت وقلت يهوووه روفي

ويوم اضحكت قلت افزعولي بالاسعاف = واصبح غلاها في حشايا يروفي

قلت انتي اسمك من هنا سيدت القاف = وممكن اعزمك نشرب ثنين كوفي

قالت اوكي نمشي وانا احب الاسراف = قلت قهوه ما غير قهوه وشوفي

حنا جلسنا وابتدت حرب الاعصاف = ما غير انالظرها مناظر لقوفي

قالت وش اسمك قلت انا اخوك نواف= اسمن رومنسي لا تردت وصوفي

قالت لك الله انت مزيان بالزاف = قلت نعم طيب وشبلاك يالهنوفي

قالت انا من المغرب وانت عراف = قلت امحق عرف ما ني عروفي

انا احسب انك من الخليج والارياف = اثرك من الي يودعن الكفوفي

انا من اول ماتمعنت الاوصاف = وانا بقلبي يضربن الدفوفي

عندي خبر بالي بلاسواق ينشاف = وبناتنا ما خضبًن الكفوفي

اجل وش له لازم لبس الارداف = قالت عشان الي شبيهك يشوفي

ويطيح عندي واتملكه ويعاف = ويرسلي الراتب وسط الظروفي

بس غلطتي بختياري يا اطياف = لان اكبر املاكي مداون حروفي

انا خذيت من الزمن بس الاسلاف = وديوان ابوي ودلتين الظيوفي

نثرت في وجهها قهوت الطاف = وقمت اذكر الله عسى بي يروفي