مامن فلسطين !!!!!

[اسير الصمت]

يرائد مــاودّك نـحـرّر فلسـطـيـن
ونثيـر فــي قـلـب اليـهـود الجـزاعـه

نسطـي عليهـم مـع قـروم ٍ شياهيـن
وندّبـهـم دبّــة سـنــه بـنــص سـاعــه

ونــجــز روس ملـفـقّـيـن الـعـنـاويــن
الأرض صـارت فـي يديهـم بضـاعـه

ونوجّـه الحملـة عـلـى ســور برلـيـن
ونطـبّـق أنـــواع الـقـتـل والبـشـاعـه

ونحتّـل رومــا وانتـعـدى المحيطـيـن
ونعـيّـش الـغـرب بـعـذاب ومـجـاعـه

وإن كان فينا نفـس حيّـه ونشيطيـن
وفينا على ماقيـل بعـض الشجاعـة

نأخذ لنا صوله على الهند والصين
ونـهـدم لـهـم ســور ٍ كبـيـر ارتـفـاعـه

وأحكـم أنــا وأقــوم أحــط القوانـيـن
ماغيـر تسمـع قــول سـمـع ٍ وطـاعـة

أعــــدم مـلايـيــن وأعــتـــق مـلايــيــن
وأنــــوّخ الـكـوكــب بــفــن وبــراعـــه

الفيـلـم خـلّـص وانـتـهـنّ المضـامـيـن
نــار ٍ طـفــت يـافــلان قـبــل انـدلاعــه

حـنّـا عــرب مافـيـه شـــك ٍ مسـاكـيـن
نصنـع شمـوخ ٍ بالسوالـف صناعـه

فيـنـا الـولـد لاقــال يحـكـم سلاطـيـن
لسـانـه أطــول لاحـكـى مــن ذراعـــه

تبي الصراحة عاد .. مامن فلسطين
خلـنـي أقـيّـل يخوي نـــص سـاعــه

[دلوعة ينبع]

وأحكـم أنــا وأقــوم أحــط القوانـيـن
ماغيـر تسمـع قــول سـمـع ٍ وطـاعـة
ياليت حكمك بالعاجل يكون

[نوف]

الله يرحم الملك فيصل

[قمر جده]

اللي يرحمه ويرحم موتانا
وش قصدك نوف

[سمو جهينه]

لو الله كتبه عمر كان فتح القدس
بس الله يرحمه